Pangajaran basa Sunda bagian ka 7 (Sundanese Language Lesson Part 7), Kecap Sesebutan Bilangan)
Dina Bahasa gaya na mah ” a word about the numbers and size in the Sundanese Language”.
Hayu ah urang teraskeun pangajaran basa sunda….
Dina kasempatan ieu urang sami-sami lebet dina Seri Pengajaran Basa Sunda bagian anu 7 nyaeta ngeunaan ” kecap sesebutan bilangan ” (kata yang menyebutkan suatu jumlah, angka atau ukuran).
Barudak ayeuna mah teu arapaleun geura…tong boroning barudak ketang, urang ge nu geus kolot nu ngaku urang sunda kadang-kadang sok ngarasa aneh, teu apal, kana ieu kecap sesebutan bilangan, asa mendakan deui da jarang dilarapkeun tea dina kahirupan sapopoe..hehe
A. Kecap Sesebutan Bilangan (Nuduhkeun Jumlah)
- Salosin = dua belas (12)
- sakodi = dua puluh (20)
- Salikur = dua puluh hiji (21)
- Dua likur = dua puluh dua (22)
- Tilu likur = dua puluh tilu (23), jst.
- Salawe = dua puluh lima (25)
- Saraju = opat puluh (40), sok dilarapkeun kana bilangan lauk
- Sawidak = genep puluh (60)
- Sagros = saratus opat puluh opat (144)
- Salaksa = sapuluh rebu (10.000)
- Saketi = saratus rebu (100.000)
- Sayuta = sajuta (1.000.000)
B. Kecap Sesebutan Bilangan nu Dilarapkeun kana Barang nu Tangtu
- Ambekan = sadami
- Awi = sabebek
- Awi = saleunjeur (satangkal)
- Awi = sadapur (sagunduk nu diwangun ku sababaraha tangkal)
- Bako = salempeng
- Bangsal = sacangi (sasiki)
- Bawang = sasihung (sasiki)
- Beas = sacanggeum
- Bilik = sailab (sagebing)
- Boeh = sarirang (tilu iket)
- Cai = sakeclak (satetes)
- Cangkir = satangkep (cangkir katut pisinna)
- Cau = sasikat
- Cau = saturuy (sababaraha sikat)
- Daun = saponggol (sagagang daun)
- Daun = sakompet (sababaraha ponggol meunang nyuitan, tuluy dilipet)
- Eurih = sajalon (meunang ngadempet ku awi pikeun hateup)
- Gula kawung = sagandu (dua bebek, bua beulah)
- Hayam = sajodo (sapasang bikangna jeung jagona)
- Injuk = sakakab (sagebleg, meunang nyolokopkeun tina tangkal kawung; injuk sok dipake tambang atawa sok dipake nutupan suhunan imah)
- Jahe = sarempang
- Jambe = samanggar
- Japati = sajodo
- Kalapa = sahulu
- Kalapa = samanggar
- Kaso = sadapur; saluwuk
- Kertas = salambar
- Koneng = sasolor
- Manjah = sadapur; saluwuk
- Munding = sarakit (dua munding)
- Muncang = sadampa (dampa sesebutan kana muncang anu sikina dua, ari nu sikina tilu disebut gindi, jeung nu sikina hiji disebut gendul).
- Nangka = sacamplung (sasiki)
- Pakean = sapangadeg
- Papan = salambar
- Pare = saranggeuy (sagagang), tingali ukuran beurat jeung lobana pare di handap!)
- Peuteuy = sapapan
- Peuteuy = sahanggor (saranggeuy, sababaraha papan)
- Peuteuy = saempong (sababaraha hanggor)
- Salak = samanggar
- samak = saheulay
- Samping = sakodi
- Sangu = sapiring
- Sawah = sakotak
- Suluh = sabebek (nuduhkeun hiji – sabeulah)
- Suluh = sahurun (sabeungkeut)
- Tambang / tali = sabatekan
- Uyah = sahuntu (saguruntul, kira-kira sagede huntu)
- Uyah = sagandu; sabata
C. Ukuran Beurat jeung Lobana Pare
- Saranggeuy = sagagang
- Sapocong = satengah geugeus (pikeun ukuran pare nu ranggeuyan, kira-kira ranggeuyanana bisa kakeupeul)
- Saeundan = sapocong
- Sageugeus = dua pocong nu dibeungkeut dihijikeun
- Sagedeng = sageugeus
- Sasangga = 5 geugeus
- Salajer = 4 sangga = 20 geugeus
- Sacaeng = 200 geugeus = 2 madea = 4 tanggung = 10 lajer = 40 sangga
- Sabawon = 4 pocong
- Satanggung = 50 geugeus
- Saundem = pikeun ukuran beas anu ditaker ku batok, kira-kira satengah leter.
- Samadea = satengah caeng = 100 geugeus = 6 kati.
- Sakati = kira-kira 817,5 gram
- Saganteng = 10 undem = 5 kati = 3087,5 gram
- Saleter = 1 desimeter kubik
- Saemud = kira-kira saleter leuwih.
- Sakulak = kira-kira 2,5 kg, keur ukuran beas
- Sapikul = 100 kati, kira-kira 62,5 kg, keur ukuran bangsal
- Sadacin= sapikul
C. Ukuran Panjang jeung Lega
- Satumbak = 3,77 meter
- Sabata = 14 meter pasagi
- Sapal = 1,5 kilometer
- Samil = 1,5 kilometer
- Saare = 100 meter pasagi
- Sahektar = 100 are
- Sabau = 500 bata = 7096,50 meter
- Sakaki = 0,3 meter = 30 cm (30 sentimeter)
- Saelo = 0,688 meter
- Saicak = saelo persegi
- Sadim = satapak jempol
- Sajeungkal = sapanjang ti tungtung indung leungeun tepi ka tungtung cingir upama dipentangkeun = kurang leuwih 20 cm
- Sajeujeuh = sarua jeung panjang dampal suku kolot
- Sadeupa = sapanjang ti tungtung ramo leungeun kenca tepi ka tungtung ramo leungeun katuhu upama dipentangkeun = kurang leuwih 1,60 meter
- Satampah = kira-kira sagede dampal leungeun kolot.
- Sakodok = ti tungtung jajangkung nepi ka kelek
Tah eta di luhur teh sababaraha nu disebut ” kecap sesebutan bilangan ” anu aya dina Basa Sunda (Bahasa Sunda). Mugi janten mangpaat dina raraga ngamumule basa jeung budaya sunda (menjunjung tinggi Bahasa dan Budaya Sunda).
BACA JUGA :
- Seri Pelajaran Bahasa Sunda Bagian 1 (Sundanese Language Lesson part 1), Kecap Panganteur
- Seri Pelajaran Bahasa Sunda Bagian 2 (Sundanese Language Lesson part 2), Ngaran Anak Sasatoan (Names of Baby Animals)
- Seri Pelajaran Bahasa Sunda Bagian 3 (Sundanese Language Lesson part 3), Ngaran Kekembangan
- Seri Pelajaran Bahasa Sunda Bagian 4 (Sundanese Language Lesson part 4), Ngaran Patukangan
- Seri Pelajaran Bahasa Sunda Bagian 5 (Sundanese Language Lesson part 5), Ngaran-ngaran Rupa-rupa Kasakit
- Seri Pelajaran Bahasa Sunda Bagian 6. Kecap Sesebutan Kaayaan (Sipat) (Sundanese Language Lesson Part 6, adjectives, words that describe a state / trait something)
- Seri Pelajaran Bahasa Sunda Bagian 7 (Sundanese Language Lesson part 7), Kecap Sesebutan Bilangan
- Seri Pelajaran Bahasa Sunda bagian ka 8 (Sundanese Language Lesson Part 8), Kecap Sesebutan Waktu
- Seri Pelajaran Bahasa Sunda Bagian 9, Ngaran Patempatan / Nama-nama Tempat